Германия терма жамоаси бош мураббийи Юрген Клопп жамоа бошқаларга эмас, балки биринчи навбатда ўзига эътибор қаратиши кераклигини таъкидлади.

«Муваффақият — бу кутилмаларга қай даражада мос ҳаракат қилишингдир. Германияда «Биз Франция каби кучлимизми?» деб сўрасак, жавоб: йўқ, ундай эмас. «Таркибимизда Дембеле, Мбаппе, Дуэ ёки Барколя каби ўйинчилар борми?» деб сўраш тўғрироқ бўлади. Жавоб — йўқ. Аммо шундай бўлса-да, биз уларни мағлуб эта оламиз.

Доимо Франция, Испания ёки Аргентинага қараб туравериш шарт эмас. Энг муҳими — ўзимизга ва қандай футбол ўйнаётганимизга қарашдир. Ҳозир биз дунёнинг энг яхши терма жамоаси эмасмиз — бу ҳақиқат. Рейтингда биздан юқорида турган 11 та жамоа бор. Аммо бизнинг вазифамиз — кўрсатаётган футболимиз эвазига уларни мағлуб эта оладиган даражага етишдир», — деди Клопп.