Испания терма жамоаси бош мураббийи Луис де ла Фуэнте «Фурия Роха» ЖЧ-2026да зафар қучганидан сўнг ФИФА президенти Жанни Инфантино унга нима деганини сўзлаб берди.

«Мен ҳар доим шахсий суҳбатлар сир бўлиб қолиши керак деб ҳисоблайман, аммо бу сафаргисини айтиб беришга арзийди, чунки бу футболчиларимизнинг даражасига тегишли.

Биз Инфантино билан кумуш медални қўлга киритган Олимпиада ўйинларида танишган эдик. Ўшанда футболчиларнинг ўзини тутиши жуда ажойиб бўлган. Улар медалларни тақиб олишган, ечмасдан ёпилиш маросимидан завқланишган эди. Маросим якунлангач, Инфантино олдимга келиб: Мистер, сизнинг футболчиларингиз — ҳаммага ўрнак, деганди.

Ўша футболчиларнинг кўпчилиги жаҳон чемпионати финалида ҳам ўйнашди. У менга ўша воқеани эслатди: Олимпиадада айтган гапларим бугун ҳам ўз кучида. Жамоавий руҳ, аҳиллик, саховат, фидойилик ва футбол бўйича буюкликнинг ҳақиқий намунаси!.

Бу билан фахрланса арзийди. Бу шунчаки футбол билан боғлиқ ҳар қандай нарсадан устун турадиган энг катта фахр туйғусидир», — деди де ла Фуэнте Marca нашрига берган интервьюсида.