Италиянинг «Ювентус» клуби 27 ёшли ҳужумчи Рандаль Коло Муани трансфери бўйича Франциянинг «Пари Сен-Жермен» клубига берилган таклиф суммасини оширди. Бу ҳақда журналист Николо Скира X ижтимоий тармоғида маълум қилди.
«Ювентус» Туринга ўтишни хоҳлаётган ва клуб билан 2031 йилгача мўлжалланган шартномани келишиб олган Рандаль Коло Муанини ўз сафига қўшиб олиш учун «ПСЖ»га таклифини 40 миллион еврогача оширди. Энди «бьянконери» Париж клубининг жавобини кутмоқда», — деб ёзди Скира.
Аввалроқ «Пари Сен-Жермен» Турин клубининг 30 миллион евролик дастлабки таклифини рад этгани ҳақида хабар берилган эди.
