Словениялик арбитр Славко Винчич ўтказилган Жаҳон чемпионатининг энг яхши ҳаками деб топилди. У турнирнинг асосий ўйини — Испания ва Аргентина терма жамоалари ўртасидаги финал учрашувини ҳам аъло даражада бошқариб берди. Мукофот собиқ Италия арбитри, Италия футболи ҳакамлар ассоциациясини дунёда энг яхши деб ҳисобланган даврда узоқ вақт бошқарган Джулио Кампанати шарафига номланган.
Винчич Словениянинг Марибор шаҳрида туғилган, ҳакамлик фаолиятини эса 2007 йилда ўз ватани Словенияда бошлаган. Унинг биринчи йирик турнири 2012 йилги Европа чемпионати бўлган — аммо у ерда фақат бошқа бир словениялик арбитр Дамир Скоминанинг ёрдамчиси сифатида ишлаган.
