«Манчестер Сити» ярим ҳимоячиси Эллиот Андерсон айни вақтда Италиянинг «Наполи» клубида тўп сураётган «шаҳарликлар»нинг собиқ футболчиси Кевин де Брёйне ҳақида ўз фикрларини билдирди.

«Мен бу ҳақда аввал ҳам айтганман. Кевин де Брёйне сўнгги 7-8 йил давомида мен ўзимга ўрнак деб билган футболчидир. Мен унга ўхшашни хоҳлардим. Унинг иштирокидаги «Манчестер Сити» ўйинларини жуда кўп томоша қилганман», — дейди футболчининг сўзларини ESPN.

Эслатиб ўтамиз, «Манчестер Сити» 23 ёшли ҳавбек учун 135 миллион евро тўлаган.

Англия Премьер-лигасининг ўтган мавсумида Андерсон 38 та учрашувда майдонга тушди. Ярим ҳимоячи 4 та гол ва 4 та голли узатмага муаллифлик қилди, шунингдек 8 та сариқ карточка олди.