Миланнинг «Интер» клуби Аргентина терма жамоаси ва Лондоннинг «Тоттенҳэм» клуби марказий ҳимоячиси Кристиан Ромерони ўз сафига қўшиб олишга жиддий бел боғлаган.
Инсайдер Джанлуиджи Лонгарининг ижтимоий тармоқларда хабар беришича, эҳтимолий битим бўйича клублар ўртасида музокаралар бўлиб ўтган. «Нерадзурри» раҳбарияти 28 ёшли футболчининг трансфери учун тахминан 40 миллион евро тўлашга тайёр.
Ромеро 2022 йилнинг августидан бери Лондон жамоасида тўп суриб келмоқда. Томонлар ўртасидаги амалдаги шартнома муддати 2029 йилнинг июнь ойи охирида ниҳоясига етади. Transfermarkt портали экспертлари аргентиналик футболчининг бозор қийматини 50 миллион еврога баҳоламоқда.
