Кореялик ярим ҳимоячи Ли Кан Ин Франциянинг «ПСЖ» клубини тарк этди ва Испания Ла Лигасига кўчиб ўтди. 25 ёшли ҳавбек Мадриднинг «Атлетико» клуби футболчисига айланди, деб хабар беради клуб матбуот хизмати.

Осиёлик футболчи «матрасчилар» билан 2031 йилнинг ўрталарига қадар мўлжалланган узоқ муддатли меҳнат шартномасини имзолади. Аввалроқ матбуотда битим суммаси 35 миллион еврони ташкил этиши мумкинлиги ҳақида хабар берилган эди.

Франция чемпионатининг ўтган мавсумида Ли Кан Ин Париж жамоаси сафида 27 та учрашувда майдонга тушди. Кореялик футболчи ўз ҳисобига 3 та гол ва 4 та голли узатма ёздириб қўйди. Ярим ҳимоячи ҳисобида 3 та сариқ карточка ҳам бор.