Мадриднинг «Реал» клуби Германиянинг «РБ Лейпциг» клубига тегишли бўлган ивуарлик вингер Ян Диоманде билан ҳужум чизиғини кучайтиришни мақсад қилган.
Фабрицио Романонинг ижтимоий тармоқларда хабар беришича, «қироллик» клуби бош мураббийи Жозе Моуриньо 19 ёшли африкалик футболчининг эҳтимолий трансферини маъқуллаган. Диоманде «қаймоқранглилар»нинг асосий нишонига айланди.
«The Special One» «Реал» раҳбариятига ҳужумнинг қанотларида кўпроқ тезлик кераклигини тушунтириб ўтган.
Диоманде ўтган йилнинг ёзидан бери «буқалар» сафида тўп суриб келмоқда. Томонлар ўртасидаги меҳнат шартномаси 2030 йилнинг июнь ойи охиригача мўлжалланган. Transfermarkt ивуарлик футболчининг қийматини 90 миллион еврога баҳоламоқда.
