«Манчестер Сити» бош мураббийи Энцо Мареска «шаҳарликлар»га АПЛ ва УЕФАнинг молиявий қоидаларини 115 та модда бўйича бузганлик айблови қўйилганига ўз муносабатини билдирди.
«Айта олишим мумкин бўлган ягона нарса шуки, уч йил аввал, биз учта совринни (требл) қўлга киритган мавсумда мен шу ерда эдим ва ўшанда ҳам худди шу гапларни айтишарди. Уч йил давомида ҳамма нарса ўзгаришсиз қолди: ҳеч нарса содир бўлгани йўқ. Шахсан менда ҳеч қандай хавотир йўқ», — дейди Маресканинг сўзларини журналист Фабрицио Романо X ижтимоий тармоғидаги саҳифасида.
«Манчестер Сити»га қўйилган айбловлар 2009 йилдан 2018 йилгача бўлган даврни ўз ичига олади. «Шаҳарликлар» барча айбловларни рад этмоқда ва ўз айбсизликларини исботловчи далилларга эга эканликларини таъкидламоқда.
