«Барселона» ва «ПСЖ» клубининг собиқ дарвозабони Арнау Тенас «Вильярреал»ни вақтинча тарк этди. 25 ёшли посбон кейинги мавсумни ижара ҳуқуқи асосида «Мальорка» таркибида ўтказади. Бу ҳақда клуб матбуот хизмати маълум қилди.

Қайд этиш жоизки, ўтган мавсум якунларига кўра «Мальорка» Испания Ла Лигасини тарк этиб, Сегундага тушиб кетган эди.

Арнау Тенас ўтган мавсумда «сариқ сувсти кемаси» («Вильярреал») таркибида Испания чемпионатида 10 та ўйинда майдонга тушиб, ўз дарвозасидан 16 та тўп ўтказиб юборди.

«Мальорка» эса Ла Лига турнир жадвалида 42 очко жамғариб, 18-ўринни эгаллаган эди. Жамоа Сегундадаги навбатдаги ўйинини 15 август куни ўз майдонида «Вальядолид»га қарши ўтказади.