«Манчестер Юнайтед» ва «Ювентус» клублари «Болонья»нинг марказий ҳимоячиси Жон Лукумига қизиқиш билдирмоқда. Бу ҳақда Corriere dello Sport нашри хабар беради.
Манбанинг маълумотларига кўра, Турин клуби 28 ёшли футболчи учун 18 миллион евро таклиф қилган, аммо рад жавобини олган. Таъкидланишича, «қизил иблислар» «Болонья» учун бундан манфаатлироқ таклиф беришга қодир.
2026 йилги Жаҳон чемпионатида Лукуми Колумбия терма жамоаси сафида бешта ўйинда майдонга тушди. 2025/26 йилги мавсумда ҳимоячи клуб миқёсидаги барча турнирларда 43 та учрашувда иштирок этиб, ўз ҳисобига битта гол ва битта голли узатма ёзиб қўйган. Футболчининг клуб билан амалдаги шартномаси 2027 йилнинг ёзигача мўлжалланган.
