«Манчестер Юнайтед» «Рома» ярим ҳимоячиси Ману Конега қизиқиш билдиришда давом этмоқда. «Бўрилар» 25 ёшли футболчини 60 миллион еврога баҳоламоқда. Бу ҳақда La Gazzetta dello Sport хабар бермоқда.

Манба маълумотига кўра, «қизил иблислар» раҳбариятида Конени кўрсатилган суммага сотиб олиш мақсадга мувофиқлиги бўйича ягона фикр йўқ. «Манчестер Юнайтед» Франция терма жамоаси аъзосининг нархини туширишга ҳаракат қилмоқчи. Ушбу мақсадда манкунианликлар битимга ҳужумчи Маркус Рэшфордни қўшишлари мумкин.

Бироқ англиялик футболчининг мавсумига 11 миллион евролик маоши тўсиқ бўлиши мумкин. Рэшфордни «Рома»га ижарага бериш ва бунда маошнинг катта қисмини Англия клуби тўлаб бериши эҳтимолга яқинроқ вариант сифатида кўрилмоқда.