"Реал" "РБ Лейпциг" вингери Ян Диомандени ўз сафига қўшиб олишга яқин турибди.

Инсайдер Бен Жейкобснинг ижтимоий тармоқлардаги саҳифасида ёзишича, Мадрид клуби 19 ёшли футболчининг трансфери бўйича "Лейпциг" билан келишувга эришган.

Олдинроқ "қаймоқранглилар" ивуарлик футболчи билан шахсий шартнома шартларини келишиб олгани ҳақида маълумот берилган эди. шунингдек, трансфер суммаси 90 миллион евродан ошиши мумкинлиги хабар қилинган.

Диоманде "РБ Лейпциг" сафида 2025 йилнинг ёзидан бери ўйнаб келмоқда. У клуб таркибида жами 36 та ўйинда майдонга тушиб, 10 та гол урди ва шерикларига 10 та голли узатма етказиб берди. Футболчининг бозор қиймати 90 миллион еврога баҳоланмоқда, Немис клуби билан амалдаги шартномаси эса 2030 йилгача мўлжалланган.