«Ливерпуль» форварди Федерико Кьеза клубни тарк этиш нияти йўқлигини ва янги бош мураббий Андони Ираола қўл остида муҳим роль ўйнашга умид қилаётганини айтди. 28 ёшли италиялик «Сандерленд»га қарши ўртоқлик ўйинида (4:2) гол урди ва голли узатмани амалга оширди.

«Ҳозир бу ерда бахтиёрман. Клубни ва мухлисларни яхши кўраман, ўз имкониятимга эга бўлиш учун қўлимдан келган барча нарсани қиляпман», — деди Кьеза ўйиндан сўнг Mirror нашрига берган интервьюсида.

Футболчининг сўзларига кўра, Ираола ундан аввалгидек қанотда фойдаланишни режалаштирмаяпти.

«Бу янги боб. Мураббий мени марказий ҳужумчи позициясига қўйди ва мени айнан ўша ерда кўришни хоҳламоқда», — дея қўшимча қилди Кьеза.

Ўтган мавсумда футболчи клуб миқёсида 36 та ўйинда майдонга тушиб, 3 та гол урди ва 3 та голли узатмага муаллифлик қилди.