«Liverpul» forvardi Federiko Kyeza klubni tark etish niyati yo‘qligini va yangi bosh murabbiy Andoni Iraola qo‘l ostida muhim rol o‘ynashga umid qilayotganini aytdi. 28 yoshli italiyalik «Sanderlend»ga qarshi o‘rtoqlik o‘yinida (4:2) gol urdi va golli uzatmani amalga oshirdi.

«Hozir bu yerda baxtiyorman. Klubni va muxlislarni yaxshi ko‘raman, o‘z imkoniyatimga ega bo‘lish uchun qo‘limdan kelgan barcha narsani qilyapman», — dedi Kyeza o‘yindan so‘ng Mirror nashriga bergan intervyusida.

Futbolchining so‘zlariga ko‘ra, Iraola undan avvalgidek qanotda foydalanishni rejalashtirmayapti.

«Bu yangi bob. Murabbiy meni markaziy hujumchi pozisiyasiga qo‘ydi va meni aynan o‘sha yerda ko‘rishni xohlamoqda», — deya qo‘shimcha qildi Kyeza.

O‘tgan mavsumda futbolchi klub miqyosida 36 ta o‘yinda maydonga tushib, 3 ta gol urdi va 3 ta golli uzatmaga mualliflik qildi.