«ПСЖ» «Лейпциг» вингери Ян Диоманде трансферидан воз кечганини маълум қилди, чунки ўтиш учун сўралаётган сумма ва ҳужумчининг маош бўйича талаблари асоссиз равишда ошириб юборилган.

Аввалроқ 19 ёшли вингер 100 миллион евродан ортиқ суммага «Реал»га ўтаётгани ҳақида маълумот пайдо бўлган эди.

«Пари Сен-Жермен» расман ўз таклифини қайтариб олди ва Ян Диоманде трансфери бўйича барча музокараларни тўхтатди.

Сўралаётган трансфер суммаси, шунингдек, маош талаблари мутлақо номутаносиб бўлиб, бозор мувозанатини бузиши мумкин эди. «ПСЖ» қатъий молиявий бошқарув ва таркиб мувозанатини сақлаш принципларидан чекинмоқчи эмас.

Лига чемпионларининг амалдаги икки карра ғолиби ва сўнгги йилларнинг энг совриндор клуби бўлмиш «ПСЖ» ўзини сунъий равишда трансфер нархларини оширишга ёки маълум воситачиларнинг ҳаракатларига тортишларига йўл қўймайди.

Клуб ўзининг трансфер стратегиясни босиқлик ва ишонч билан, танланган курсга амал қилган ҳолда давом эттиради», — дейилади парижликларнинг журналист Аранча Родригес келтирган баёнотида.