«Ювентус» «Манчестер Сити»нинг собиқ ҳимоячиси Жон Стоунзни эркин агент сифатида ўз таркибига қўшиб олиш имкониятини кўриб чиқмоқда.
32 ёшли футболчи «Сити» билан шартномаси якунига етгач, эркин агент мақомини олган эди. Инсайдер ва журналист Жанлука Ди Марцио бераётган маълумотларга кўра, «Юве» раҳбарияти трансфер шартларини муҳокама қилиш учун Стоунзнинг вакиллари ва агенти билан бевосита алоқага чиққан.
Олдинроқ тажрибали ҳимоячига Италиянинг бошқа бир клуби — «Интер», шунингдек АПЛнинг «Арсенал», «Челси» ва «Эвертон» жамоалари томонидан ҳам қизиқиш борлиги ҳақида хабар берилган эди. Бироқ Турин клуби ҳозирда шартнома таклиф қилиш бўйича энг фаол ҳаракат қилаётган жамоа бўлиб турибди.
Стоунз ЖЧ-2026 турнирида Англия терма жамоаси сафида 5 та ўйинда майдонга тушиб, муваффақиятли иштирок этди. «Манчестер Сити»даги 10 йиллик фаолияти давомида у 6 марта Премьер-лига ва 1 марта Лига чемпионлари кубогини қўлга киритган.
