«Болонья»га тегишли бўлган аргентиналик 21 ёшли ҳужумчи Сантьяго Кастро фаолиятини «Рома»да давом эттиришга жуда яқин турибди.
Римликлар ёш ҳужумчининг трансфери учун 30 миллион евро кафолатланган сумма тўлашади. Бу кўрсаткич Transfermarkt порталининг футболчига қўйган бозор қиймати билан деярли бир хил. Бундан ташқари, шартномада футболчининг майдондаги муваффақиятли кўрсаткичлари учун яна 5 миллион еврогача бонуслар кўзда тутилган.
Ўтган мавсумда Кастро А Серияда 7 та гол урди ва 2 та голли узатмага муаллифлик қилди (барча турнирлар доирасида эса 51 та ўйинда 11 гол ва 4 ассист қайд этган). Унинг ўйини «Болонья»нинг турнир жадвалида 8-ўринни эгаллашига катта ёрдам берди.
