Бразилия чемпионатида «Коринтианс» шарафини ҳимоя қилаётган нидерландиялик ҳужумчи Мемфис Депай клуб билан янги меҳнат шартномасини келишиб олди. Бу ҳақда инсайдер Фабрицио Романо ўзининг ижтимоий тармоқларида маълум қилди.
Манбага маълум бўлишича, 32 ёшли форварднинг «Коринтианс» билан янги келишуви 2028 йилнинг ўрталаригача мўлжалланади.
«Манчестер Юнайтед»нинг собиқ футболчиси Бразилия жамоаси сафига 2024 йилда келиб қўшилган эди. Ўшандан бери Мемфис 78 та баҳсда майдонга тушди. Депай ўз ҳисобига 20 та гол ва 15 та голли узатма ёзиб қўйди. Нидерландиялик футболчининг бозор қиймати 7 миллион еврога баҳоланмоқда.
