Эйден Хевен Майкл Кэррик қўл остида ўйин амалиёти камайганидан сўнг майдонда кўпроқ вақтга эга бўлиш учун ўз устида ишлаши ва сабрли бўлиши кераклигини тан олди.

«Мен ёшман ва айниқса ўз позициямда сабр-тоқатли бўлишим керак. Ҳар ҳафта мунтазам майдонга тушаётган 19 ёшли футболчиларни жуда кам кўрасиз», — деди «Манчестер Юнайтед» марказий ҳимоячиси.

«Бу шахсий адоват эмаслигини биламан ва шунчаки сабр қилишим керак. Мен ўз имкониятимни кутяпман.

Мураббийнинг мақтовларини эшитиш — мен учун қўшимча куч ва илҳом манбаи. У футболчилик даврида ушбу клуб учун жуда катта роль ўйнаган».