Инсайдер Флориан Плеттенбергнинг X (собиқ Twitter) тармоғида хабар беришича, «Ливерпуль» «ПСЖ» вингери Брэдли Баркола трансфери бўйича ишларни фаоллаштирди ва шартномани ёзги трансфер ойнаси ёпилгунига қадар якунламоқчи.
Манба маълумотига кўра, мерсисайдликлар 22 ёшли француз футболчисининг шахсий шартнома шартларини аллақачон билишади ва келишувга эришишда ҳеч қандай муаммо кутишмаяпти. Асосий масала «Пари Сен-Жермен» билан футболчининг трансфери бўйича келишиб олиш бўлиб турибди.
Томонлар ўртасидаги янги музокаралар дўшанба кунига режалаштирилган. «Ливерпуль» яқин орада биринчи расмий таклифни юбориш имкониятини кўриб чиқмоқда.
Барколанинг ўзи шу ёзда «ПСЖ»ни тарк этишга тайёр. «Қизиллар» трансфер ойнаси ёпилгунга қадар француз вингери билан шартнома имзолаш учун барча имкониятларни ишга солишни ният қилишган.
