Москванинг «Динамо» клубига тегишли бўлган парагвайлик ҳимоячи Хуан Касересга Каталониянинг «Барселона» клуби қизиқиш билдирмаяпти. Бу ҳақда «Евро-Футбол.Ру» хабар берди.
Олдинроқ хориж матбуотида «кўк-анорранглилар» «оқ-кўклар»нинг қанот ҳимоячисига қизиқаётгани ҳақида хабарлар пайдо бўлган эди.
26 ёшли латераль «Динамо»га 2025 йилнинг февраль ойида кўчиб ўтган. Унинг Москва клуби билан амалдаги шартномаси 2029 йилнинг декабрь ойи охиригача мўлжалланган. Футболчининг бозор қиймати етти миллион еврога баҳоланмоқда.
Россия Премьер-лигасининг ўтган мавсумида Касерес 24 та учрашув ўтказди. Ҳимоячи битта гол урди, олтита голли узатма амалга оширди ва олтита сариқ карточка олди.
