«Арсенал» бош мураббийи Микель Артета «Реал» ҳужумчиси Винисиус Жуниорни ўз жамоасида кўриш иштиёқи билан ёнмоқда. Бу ҳақда BBC нашри хабар бермоқда.
Шу билан бирга, Винисиуснинг атрофидаги манбалар бразилиялик футболчи учун «Арсенал»га кўчиб ўтиш осон кечмаслигини таъкидлашмоқда.
«Жанубий америкалик аксарият футболчилар учун «Реал» ёки «Барселона»да ўйнаш — бутун умрлик орзу ҳисобланади. Испания пойтахтини тарк этиш — ҳатто «Арсенал»дек довруғ қозонган клуб учун бўлса ҳам — энг яхши ҳолатда ҳам бу бир поғона пастлаш сифатида баҳоланади», — дейди манба.
Винисиус Жуниорнинг «Реал» билан амалдаги шартномаси 2026/2027 йилги мавсум охиригача мўлжалланган. Олдинроқ 26 ёшли форвард ва клуб янги келишув бўйича музокараларда маош масаласида бир-бирига ён босмаётгани ҳақида хабар берилган эди.
