«Ювентус» Лучано Спаллеттининг онаси вафоти муносабати билан ҳамдардлик билдирди. La Gazzetta dello Sport хабарига кўра, «бьянконери» бош мураббийининг онаси Ильва 93 ёшида оламдан ўтган.
«Ювентус» мураббий Спаллеттига ва унинг оиласига севикли онаси Ильванинг вафоти муносабати билан чуқур ҳамдардлик билдиради», — дейилади «Ювентус» хабарида.
Италиялик мутахассис 2021 йилдан 2023 йилгача бошқарган «Наполи» клуби ҳам собиқ мураббийини ушбу оғир жудоликда қўллаб-қувватлади.
«Наполи» клуби ва унинг президенти Аурелио Де Лаурентис Лучано Спаллеттига онаси Ильванинг вафоти муносабати билан чуқур қайғу ва ҳамдардлик билдиради», — дейилади Неаполь клуби баёнотида.
