UFC’нинг ярим оғир вазн (93 кг гача) рейтингида 9-ўринни эгаллаб турган ўзбекистонлик Богдан Гусков БААнинг Абу-Даби шаҳрида бўлиб ўтган UFC Fight Night 282 турнирида собиқ чемпион, россиялик Магомед Анкалаевдан учраган мағлубияти ҳақида фикр билдирди.
«Биринчи раундда у ўнг қўлимга жуда яхши мидл-кик берди ва асаб томирларига озгина таъсир қилди. Ўнг қўлим бутунлай ишламай қолди деёлмайман, лекин гўёки ток ургандек бўлди ва бу мени бироз чалғитди. Баъзи вазиятларда ўзимнинг асосий қуролимни қўллай олмадим. Иккинчи раундда ҳозир бироз ўтиб кетади деб ўйлагандим, лекин тарқаб кетмади», — деди Богдан Гусков Namys Fighting YouTube-каналига берган интервьюсида.
