«Манчестер Юнайтед»нинг собиқ ҳужумчиси Чичарито номи билан танилган Хавьер Эрнандес яқин орада ЮСЛ Чемпионшип дивизионидаги АҚШнинг «Атлетико Даллас» клуби сафини тўлдиради. Бу ҳақда журналист ва инсайдер Фабрицио Романо X ижтимоий тармоғида хабар бермоқда.
Чичарито «Атлетико Даллас» тарихидаги биринчи трансфер бўлди — бу лигада 2028 йилда дебют қилишни режалаштираётган янги ЮСЛ франшизасидир. Футболчи жамоада 2027 йилдан бошлаб ўйнашни бошлайди, аммо ҳозирнинг ўзидаёқ клубнинг ривожланишида иштирок этади.
Эслатиб ўтамиз, Мексика терма жамоасининг собиқ аъзоси 2010 йилдан 2020 йилгача Европа клубларида, жумладан «Манчестер Юнайтед», Мадриднинг «Реал», Леверкузеннинг «Байер» ва «Севилья» жамоаларида тўп сурган.
ЮСЛ Чемпионшип MLS’дан сўнг АҚШдаги иккинчи кучли дивизион ҳисобланади, аммо бу лигалар ўртасида қуйи дивизионга тушиб кетиш ва юқорига кўтарилиш тизими мавжуд эмас.
