Шуҳрат Мақсудов «Бунёдкор» футбол академияси бош директори этиб тайинланди.
Шуҳрат Мақсудов ўзбек футболида катта тажриба ва бой фаолиятга эга мутахассис бўлиб, футболчи ва мураббий сифатида кўплаб ютуқларга эришган. Унинг билим ва тажрибаси Академияда ёш футболчиларни тарбиялаш, замонавий футболни ривожлантириш ҳамда иқтидорли ёшларни профессионал футболга тайёрлашда муҳим аҳамият касб этади.
«Бунёдкор» клуби Шуҳрат Мақсудовни янги лавозими билан самимий табриклаб, унга мустаҳкам соғлиқ, фаолиятида улкан муваффақиятлар ва Академия равнақи йўлида янги зафарлар тилади.
«Биргаликда футбол юлдузларини кашф қиламиз!» — дейилади клуб хабарида.
