Англия терма жамоаси ва «Манчестер Юнайтед» собиқ ҳимоячиси, ҳозирда телевидениеда эксперт сифатида фаолият юритаётган Рио Фердинанд «қизил иблислар»нинг собиқ форварди Дэнни Уэлбекга Лондоннинг «Челси» клуби томонидан бўлаётган қизиқишга муносабат билдирди.
«Уларни менсима ва уйга қайт. Янги мавсумда «МЮ» УЕФА Чемпионлар лигасида ўйнайди», — дейилади афсонавий футболчининг ижтимоий тармоқдаги саҳифасида.
Англия Премьер-лигасининг ўтган мавсумида 35 ёшли ҳужумчи «Брайтон» сафида 37 та ўйинда майдонга тушган. Уэлбек ўз ҳисобига 13 та гол ва 1 та голли узатма ёзиб қўйган. Шунингдек, форвард 5 маротаба сариқ карточка билан огоҳлантирилган.
