Италиялик вингер Федерико Кьеза яқин келажакдаги режаларини аниқлаштириб олди. Инсайдер Николо Скиранинг ижтимоий тармоқларда хабар беришича, ярим ҳимоячи «Ливерпуль»да қолишга қарор қилди.

28 ёшли футболчи янги бош мураббий Андони Ираола қўл остида асосий таркибдаги ўрин учун курашмоқчи. Бундан ташқари, Кьеза Италия миллий терма жамоасига қайтишни орзу қилмоқда.

Федерико 2024 йилнинг ёзидан бери Мерсисайд гранди шарафини ҳимоя қилиб келмоқда. Италиялик футболчининг меҳнат шартномаси 2028 йилнинг июнь ойи охиригача мўлжалланган.

2025/2026 йилги мавсумда Кьеза «қизиллар» сафида 36 та учрашувда майдонга тушиб, ўз ҳисобига 3 та гол ва 3 та голли узатма ёзиб қўйди.