Мадриднинг «Реал» клуби ярим ҳимоячиси Браим Диас «Ювентус» футболчисига айланиши мумкин. Бу ҳақда Goal портали хабар бермоқда.

Манба маълумотига кўра, Туриннинг «Ювентус» клуби 26 ёшли футболчи атрофидаги вазиятни синчковлик билан кузатиб бормоқда ва уни ҳужум чизиғини кучайтириш учун устувор вариант сифатида кўриб чиқмоқда.

«Реал»нинг трансфер бозоридаги фаоллиги фонида бу ўтиш эҳтимоли ортиши мумкин. Маълумки, мадридликлар «РБ Лейпциг» вингери Ян Диоманде бўйича музокаралар олиб бормоқда. Агар ушбу трансфер амалга ошса, «қаймоқранглилар»нинг ҳужум чизиғида рақобат кучаяди, бу эса Браим Диаснинг келажагига таъсир қилиши мумкин.

Футболчининг ўзи илгари бир неча бор Мадридда қолиш ва Жозе Моуриньо лойиҳасида ўз ўрнини мустаҳкамлаш истаги борлигини таъкидлаган эди.

Ўтган мавсумда Браим Диас «Реал» сафида барча турнирларда 42 та ўйинда майдонга тушиб, 2 та гол урди ва 9 та голли узатмага муаллифлик қилди. Унинг амалдаги шартномаси 2027 йилнинг ёзигача мўлжалланган.