The Athletic нашри берган хабарга кўра, Бельгиянинг «Юнион Сент-Жиллуаз» клуби вингери Ананан Халайли учун «Ноттингем Форест» томонидан берилган 20 миллион евролик таклифни рад этди.

21 ёшли футболчи шу ой бошида тиббий кўрикдан ўта олмагани сабабли «Интер»га ўтиши барбод бўлганига қарамай, трансфер бозорида талаб юқори бўлган ўйинчилардан бири бўлиб қолмоқда.

Исроиллик вингер учун курашда «Форест» ёлғиз эмас — «Борнмут» ва «Ньюкасл Юнайтед» ҳам ушбу ёзда унинг атрофидаги вазиятни синчковлик билан кузатиб бормоқда. Мағлубиятга қарамай, «Ноттингем Форест» ушбу универсал қанот вакилига бўлган қизиқишини якунлаганича йўқ.

Халайли ўнг қанот ҳимоячиси ҳамда вингер позициясида бирдек ҳаракат қила олади. У «Юнион Сент-Жиллуаз»га кўчиб ўтганидан бери Бельгия чемпионатининг энг истиқболли ёш истеъдодларидан бири сифатида эътироф этилмоқда.

Футболчининг бельгияликлар билан амалдаги шартномаси мавжуд ва у Бутун Европа клубларининг эътиборт марказида бўлишда давом этмоқда.