«Бавария» дарвозабони Мануэль Нойер 2026/27 йилги мавсум унинг профессионал футболчилик фаолиятидаги сўнгги мавсум бўлиши мумкинлигига ишора қилди. Бу ҳақда 40 ёшли посбон BILD нашрига берган интервьюсида маълум қилди.

«Мен майдонга: “Бу менинг сўнгги ўйиним”, деган хаёл билан чиқмайман. Қайси стадионда ўйнашимдан қатъи назар, бу менинг ўша аренадаги сўнгги учрашувим бўлиши мумкинлигини ўйламайман. Аммо кўринишидан, ҳақиқатан ҳам ушбу мавсумдан кейин фаолиятимни якунлайман», — деди Нойер.

Мануэль Нойер 2011 йилдан буён «Бавария» шарафини ҳимоя қилиб келмоқда. У Мюнхен клуби билан икки марта Чемпионлар лигаси ғолиби бўлган, 13 марта Германия чемпиони унвонини қўлга киритган.

Шунингдек, у Германия терма жамоаси сафида 2014 йилги жаҳон чемпионатида ғолиб чиққан.