«Ювентус» ва «ПСЖ» ҳужумчи Рандаль Коло-Муани бўйича янги музокаралар ўтказади.
Яқин 36 соат ичида клублар французнинг трансфер шартларини тўлиқ ҳал қилиб олиш учун бевосита алоқага чиқади, деб хабар бермоқда инсайдер Николо Скира. 27 ёшли футболчининг ўзи «бьянконери» билан 2031 йилнинг ўрталаригача мўлжалланган шартнома шартларини келишиб бўлган. Ҳужумчи ўтишни фаол равишда талаб қилмоқда ва битим якунланишини кутмоқда.
Олдинроқ Рандаль Коло-Муани Бундеслига ва Саудия Арабистонидан тушган таклифларни рад этган эди. Ўтган мавсумда футболчи ижара ҳуқуқи асосида «Тоттенхэм»да тўп сурди, ўтган йилнинг биринчи ярмида эса «Ювентус»да ҳам ижарада ўйнашга улгурган эди.
