«Ювентус» ҳужумчиси Луа Опенда фаолиятини Франциянинг «Лион» клубида давом эттиради.
26 ёшли бельгиялик футболчининг трансфери ҳақида «Лион» клуби расмий сайти хабар берди.
Опенда «Лион»га бир мавсумлик ижара асосида ўтди. Француз клуби ушбу ижара учун 3,5 миллион евро тўлайди.
Таниқли инсайдер Фабрицио Романо маълумотига кўра, келишувда футболчини кейинчалик сотиб олиш ҳуқуқи назарда тутилмаган. Шунингдек, Опенданинг ойлик маошини тўлиқ «Лион» ўз зиммасига олади.
Ўтган мавсумда Луа Опенда «Ювентус» сафида барча мусобақаларда 34 та учрашувда иштирок этиб, атиги 2 та гол урган.
