Франция терма жамоасининг янги бош мураббийи Зинедин Зидан жамоа етакчиси Килиан Мбаппе билан биринчи суҳбати қачон бўлиб ўтишини маълум қилди.
“Биз Килиан билан ҳали гаплашмадик. Ҳозир унинг учун энг муҳими Жаҳон чемпионатидан кейин тикланиб олиш. Биз бу ҳақда у ва барча футболчилар билан жуда тез орада — сентябрда гаплашиб олиш имкониятига эга бўламиз”, — дея Зиданнинг сўзларидан иқтибос келтирмоқда Франция футбол федерацияси расмий веб-сайтида.
28-июль, сешанба куни Франция футбол федерацияси (ФФФ) 54 ёшли мураббий билан шартнома имзоланганини эълон қилди. Шартнома 2030-йилги Жаҳон чемпионати охиригача амал қилади.
Мбаппе Франция терма жамоаси сафида барча мусобақаларда 106 та ўйинда майдонга тушиб, 66 та гол урган. У АҚШ, Канада ва Мекцикада ўтказилган 2026-йилги Жаҳон чемпионатида 10 та гол билан энг яхши тўпурар бўлди.
