Чехия футбол ассоциацияси президенти Давид Трунда ФИФА раҳбари Джанни Инфантинонинг Жаҳон чемпионати тижорий ҳуқуқларидаги улушни хусусий инвесторларга сотиш режасини қўллаб-қувватлади.
«Жанни Инфантино ва унинг жамоаси билан яқин ҳамкорликдан Чехия футболи олиши мумкин бўлган муайян афзалликларни кўряпман. Албатта, бизга кўпроқ тафсилотлар керак, аммо шахсан мен ФИФАнинг ниятлари ижобий таъсир кўрсатади деб ҳисоблайман», — дейди Трунданинг сўзларини Sky Sports.
Аввалроқ Инфантино ЖЧнинг тижорий ҳуқуқларини (трансляция, ҳомийлик ва чипталар) FIFA Forward Enterprise (FFE) номли янги тузилмага ўтказиб, унинг камчилик (акцияларнинг 20% гача) улушини хусусий инвесторларга сотиш режасини ишлаб чиқаётгани хабар қилинган эди. Музокаралар АҚШ президенти Дональд Трампнинг оиласига яқин бўлган инвесторлар ва J.P. Morgan банки билан олиб борилмоқда.
Бир қатор футбол ташкилотлари, жумладан УЕФА бу қарорни кескин қоралаб, «футболнинг жонини сотиш» деб атанган бўлса-да, Инфантино таклифни овозга қўйишда кўпчилик овозини олиш учун ФИФАга аъзо 211 та ассоциациянинг ҳар бирига 19 сентябргача режани маъқуллаш эвазига $40 миллион долларлик молиявий ёрдам ваъда қилмоқда.
