"Ювентус" Зион Сузуки учун курашда ғалаба қозона олишига ишонади.

Дарвозабон бу ёзда "Парма"ни тарк этиши мумкин ва Турин клуби асосий даъвогарлар қаторида, деб хабар беради La Gazzetta dello Sport. "Бьянконерлар" раҳбарияти футболчини ҳам, унинг жамоасини ҳам келишувга эришишга кўндира олишларига ишонади. Иккала томон ҳам доимий алоқада.

"Ювентус"нинг асосий рақибларидан бири "ПСЖ". Парижликлар "Парма"нинг 30 миллион евролик нархини тўлашда муаммога дуч келмасалар-да, Турин клубидан фарқли ўлароқ, япониялик футболчига асосий ўринни кафолатлашлари эҳтимолдан йироқ. Франция клуби Сузукини сотиб олиб, уни ижарага бериши мумкин.