Бугун Ўзбекистон профессионал футбол лигасида Ўзбекистон кубоги финал ўйинига бағишланган йиғилиш бўлиб ўтди. Унда учрашувнинг номинал мезбони номи аниқланди.
Қаршининг "Насаф" жамоаси финалда расмий мезбон мақомида бўладиган бўлди. Рўзиқул Бердиев шогирдларига мезбон жамоа кийиниш хонаси ва захира ўриндиғи берилади. "Насаф" мезбон жамоа сифатида биринчи бўлиб форма рангини танлаш имкониятига ҳам эга бўлишади.
Ўтган йилги финал каби бу сафар ҳам "Насаф" ва "Бунёдкор" жамоалари Ўзбекистон кубогининг ҳал қилувчи баҳсида майдонга тушишади. Финал ўйини 25 сентябрь куни соат 18:00да "Пахтакор" стадионида бўлиб ўтади.
