Бразилия терма жамоаси бош мураббийи Карло Анчелотти Италия футбол федерацияси (FIGC) унга миллий жамоани бошқаришни таклиф қилганини тасдиқлади. Бироқ италиялик мутахассис Бразилия терма жамоасидаги фаолиятини давом эттиришга қарор қилгани учун ушбу таклифни рад этган.
Эслатиб ўтамиз, шу ҳафта Роберто Манчини Италия терма жамоаси бош мураббийи этиб тайинланган эди.
«Бу шартнома масаласи эмас, сабаб ҳам унда эмас. Менинг Бразилия футбол конфедерацияси ва бу мамлакат олдида мажбуриятларим бор. Чунки бу мамлакат биринчи йилданоқ мени жуда илиқ кутиб олди. Албатта, Италия футбол федерациясига миннатдорлик билдирдим, аммо шу ерда қолишни истайман. Чунки мени шундай яхши қабул қилган мамлакатда ва ишлаш имконини берган ташкилотда фаолиятимни давом эттиришни тўғри ва адолатли қарор деб ҳисоблайман», — деди Анчелотти ESPN'га берган интервьюсида.
Эслатиб ўтамиз, жорий йилнинг май ойида 67 ёшли мутахассис Бразилия терма жамоаси билан шартномасини яна тўрт йилга, яъни 2030 йилги жаҳон чемпионатига қадар узайтирган эди.
Анчелотти бошчилигида Бразилия терма жамоаси 2026 йилги жаҳон чемпионатида 1/8 финалгача етиб борди ва ушбу босқичда Норвегияга мағлуб бўлиб, мусобақани тарк этди.
