Бразилия терма жамоаси Ҳиндистонга қарши ўртоқлик ўйинида майдонга тушади. Ҳиндистон футбол федерацияси веб-сайтига кўра, ўйин 2026 йил 3 октябрь куни Калкутта шаҳрида 85 000 томошабин сиғимига эга стадионда бўлиб ўтади.

Манбага кўра, бу Ҳиндистоннинг 1992 йилда ФИФА Жаҳон рейтинги жорий этилганидан бери энг муҳим рақиби бўлади. Беш карра жаҳон чемпионлари бешинчи, Ҳиндистон эса 138-ўринда.

"Бизнинг футболчиларимиз учун бу шунчаки навбатдаги ўйиндан кўра кўпроқ нарса. Бу тарихдаги энг буюк футбол жамоаларидан бирига қарши ўзларини синаб кўриш учун ноёб имконият. Бундай ўйинлар футболчиларга ривожланишга ёрдам беради, уларни юқори мақсадлар қўйишга илҳомлантиради ва абадий хотиралар қолдиради", дейилади Ҳиндистон томони баёнотида.

Таъкидланишича, Ҳиндистон Бразилиядан ташқарида Бразилия футболининг энг катта мухлислар базасига эга мамлакатлардан биридир.