Мадриднинг «Реал» клуби мавсумлараро тайёргарлик доирасида янги мавсумга ҳозирлик кўришни давом эттирмоқда.
Журналист Альваро Эстебаннинг хабарига кўра, Бразилия терма жамоаси таркибида жаҳон чемпионатида иштирок этган вингер Винисиус Жуниор кейинги ҳафтада «қаймоқранглилар» машғулотларига қўшилади. Бундан ташқари, мундиалда Португалия терма жамоаси шарафини ҳимоя қилган «Реал»нинг янги аъзоси Бернарду Силва ҳам кейинги ҳафтадан умумий гуруҳда машғулотларни бошлайди.
Эслатиб ўтамиз, Бернарду Силва шу ёзда эркин агент сифатида «Реал»га ўтиб, 2028 йилнинг 30 июнигача мўлжалланган шартнома имзолади. Илгари ярим ҳимоячи «Манчестер Сити»да тўп сурган. Винисиус Жуниорнинг «қаймоқранглилар» билан амалдаги шартномаси эса 2027 йилнинг 30 июнигача мўлжалланган.
