Миланнинг «Интер» клуби янги аъзоси Жон Стоунс келишув расман эълон қилинганидан сўнг ўз таассуротларини билдирди.
«Нерадзурри» пайшанба куни 32 ёшли марказий ҳимоячи билан шартнома имзоланганини тасдиқлади. Англиялик футболчи Италия чемпионлари сафига эркин агент сифатида келиб қўшилди.
«Мен ҳамиша ғалабаларга чанқоқ бўлган инсонлар тоифасиданман. Фикримча, энг муҳими шу. Фаолиятим давомида кўплаб совринларни қўлга киритиш бахтига муяссар бўлганман ва ушбу тажрибамни янги жамоага олиб кирмоқчиман. Клубга ёрдам беришни ҳамда мураббий Киву ва унинг ёрдамчиси, илгари «Манчестер Сити»да бирга тўп сурганим Коларов қўл остида футболчи сифатида ўсишда давом этишни истайман. Маҳоратим жамоага асқатади деб жуда умид қиламан. Мен янги лига ва янги услубда ўзимни синаб кўришга тайёрман», — дея АПЛнинг олти карра ғолиби сўзларини келтиради Inter Xtra.
Жон Стоунс ўн йил давомида «Манчестер Сити» шарафини ҳимоя қилган.
