«РБ Лейпциг» вингери Ян Диоманденинг «Реал»га ўтиши тобора ойдинлашмоқда. Шу билан бирга, матбуот 19 ёшли ивуарлик футболчини бошқа топ-клублар, хусусан, «ПСЖ» билан ҳам боғлаётган эди.
The Touchline нашрининг журналист Ромен Молинага таяниб хабар беришича, «ПСЖ»ни Диоманде трансфери билан боғлиқ молиявий талаблар чўчитган. Фақатгина шартнома имзолаш бонуси ва агентлик комиссия тўловларининг ўзига 20 миллион еврога яқин маблағ талаб этилар эди.
Олдинроқ нуфузли инсайдер Фабрицио Романо Ян Диоманденинг «Реал»га ўтишига ҳеч қандай шубҳа қилмаслик кераклигини маълум қилган эди.
Ян Диоманденинг бозор қиймати Transfermarkt портали мутахассислари томонидан 90 миллион еврога баҳоланмоқда.
