«Локомотив» бош мураббийи Мирко Еличич «Бухоро»га қарши учрашувдан кейинги матбуот анжуманида рақибни табриклаб, ўз жамоаси ўйини ва қизил карточка ҳақида фикр билдирди.
«Аввало, "Бухоро"ни ғалаба билан табриклайман. Бу жамоа турнир жадвалида учинчи ўринда бораётгани бежиз эмас. Уларга қарши ўйнаш осон бўлмади. Шу билан бирга, футболчиларимга ҳам раҳмат айтаман. Бугун ҳар икки жамоа уч очко учун майдонга тушди. Жамоамнинг курашувчанлигидан мамнунман», — деди Еличич.
Мураббий учрашувда кўрсатилган қизил карточкага ҳам муносабат билдирди.
«Ҳозир кичик хатолар ҳам кечирилмаяпти. Вазиятни олдиндан ҳис қилиш керак эди. Бу эпизод, эҳтимол, қизил карточкага тортар. Лекин ўйиннинг бир қисми сифатида ҳар бир вазиятни ҳис қилиб туриш лозим. Бугун ҳар икки жамоада ҳам эътибор кўпроқ ҳакамларга қаратилди. Бироқ бу ҳеч кимга ёрдам бермайди», — деди «Локомотив» устози.
