ФИФА Интизом қўмитаси «Андижон» клубига нисбатан қўлланган ҳар икки трансфер тақиқини бекор қилди.
31 июль куни ФИФА Интизом қўмитаси «Андижон» клуби собиқ мураббийлар Микола Тишенко ва Виталий Шпанюк олдидаги қарздорликни тўлиқ бартараф этганини маълум қилди. Шу муносабат билан клубга янги футболчиларни рўйхатдан ўтказиш бўйича қўйилган тақиқ ҳам олиб ташланди.
Энди Профессионал футбол лигаси клуб тақдимномаси асосида шартномаси расман рўйхатдан ўтган футболчиларни мусобақада иштирок этиш учун рўйхатга қўшади.
Шу тариқа, янги футболчилар Суперлиганинг 15-туридан ўрин олган «Пахтакор»га қарши бугунги учрашувда майдонга тушиш имкониятига эга бўлади.
