Тажрибали ярим ҳимоячи Аббос Ғуломов фаолиятини «Насаф» клубида давом эттиради.
Водий клублари сафидаги ишончли ва сермаҳсул ўйинлари орқали футбол мухлислари эътиборини қозонган футболчи билан келишувга эришилди.
Томонлар ўртасида имзоланган шартномага кўра, Аббос Ғуломов мавсум якунига қадар қаршиликлар шарафини ҳимоя қилади. Шунингдек, битимда шартномани узайтириш имкониятини назарда тутувчи банд ҳам мавжуд.
Шу тариқа, Аббос Ғуломов «аждарлар» сафига қўшилди ва жамоанинг янги мавсумдаги мақсадлари йўлида ҳаракат қилади.
