Мадриднинг «Атлетико» клуби «Ливерпуль» вингери Федерико Кьезани ўз сафига қўшиб олиш имкониятини кўриб чиққан эди.
Италиялик футболчи шу ёзда «матрасчилар»нинг нишонида бўлган, шунингдек, А Серия вакиллари ҳам унга қизиқиш билдиришган, деб хабар беради Transfer News Live журналист Валантен Фейетга таяниб. Вариантлар мавжудлигига қарамай, 28 ёшли футболчи Англияда қолишни ва «қизиллар»нинг янги бош мураббийи Андони Ираола қўл остида ўз имкониятини кўрсатишга ҳаракат қилишни ният қилган.
Федерико Кьезанинг «Ливерпуль» билан амалдаги шартномаси 2028 йилнинг ўрталаригача мўлжалланган. Ўтган мавсумда футболчи 36 та ўйинда майдонга тушиб, 3 та гол урди ва 3 та голли узатмага муаллифлик қилди.
