Германия футбол иттифоқи (DFB) президенти Бернд Нойендорф ФИФАнинг ўз мусобақаларига хусусий инвесторларни жалб қилиш режаларидан воз кечганига муносабат билдирди.
«Бу қадам муқаррар эди. ФИФА мусобақаларини хусусий инвесторлар учун очишга бўлган уриниш шармандаларча барбод бўлди. Бу кўп жиҳатдан УЕФАга аъзо сифатида барча ассоциацияларнинг ягона позицияси туфайли юз берди.
Эндиликда Джанни Инфантино ташаббуси билан бошланган бу лойиҳа қандай пайдо бўлгани ва қандай амалга оширилгани юзасидан тўлиқ текширув ўтказиш зарур. ФИФА президенти ягона тартибда ва шаффоф бўлмаган тарзда ҳаракат қилди, якунда эса бу футбол манфаатларига зид бўлиб чиқди.
УЕФА ва бошқа конфедерациялар билан биргаликда биз ФИФА бошқаруви маданиятини тубдан ўзгартиришга эришишимиз керак – шунда қарорлар яна ташкилот раҳбарияти аъзолари томонидан муҳокама қилинади ва қабул қилинадиган бўлади», — деди Нойендорф.
