Инсайдер Фабрицио Романо хабар беришича, «Наполи» вингери Йеспер Линдстрём ижара ҳуқуқи асосида «Шальке»га ўтмоқда.
Томонлар битимни келишиб олишди, бугун 26 ёшли даниялик футболчи тиббий кўрикдан ўтмоқда.
Келишув 5 млн евро эвазига футболчини сотиб олиш ҳуқуқини ўз ичига олган ижарани назарда тутади. Мабодо «Шальке» Бундеслигада ўз ўрнини сақлаб қолса, шунингдек, Йеспер ўтказган ўйинлар сонига қараб «Наполи» бонуслар олади.
Ўтган мавсумда Линдстрём «Вольфсбург»да ижарада ўйнаган эди. У Бундеслиганинг 13 та ўйинида самарали ҳаракатлари (гол ёки узатма) билан ажралиб тура олмади.
