УЕФА президенти Мишель Платини ФИФА президентлиги учун номзод бўлиш-бўлмаслиги ҳақида бир фикрга келмаганини таъкидлаб ўтди.
«ФИФА президентлиги учун сайловларда қатнашиш-қатнашмаслигимни ҳали билмайман. Мен бир неча ой ўйлаб олишим керак. Бу ҳақда жаҳон чемпионати вақти ёки ундан кейин қарор қабул қиламан, лекин турниргача эмас.
Мен УЕФАдаги ишимни севаман. Бошқа жойда ишласам, юрагим беҳаловат бўлади. Аммо бу савол тез-тез бериляпти.
Шунинг учун мен яхшилаб ўйлаб олишим керак. Бунинг устига сайловларгача ҳали икки йил бор ва мен бу ҳақда ўйласам, худбинлик қилган бўламан. Бу ёғда эса футболнинг ҳал қилиниши керак бўлган муаммолари кўп»,- дейди Платини.
